Бұл мақалада авторлар қазіргі кезеңдегі мемлекеттік-конфессиялық қатынастардың эволюциясын талдауға арналған зерттеу нәтижесімен бөліседі. Зерттеу барысында үш негізгі модель анықталды: теократия, либералды модель және мемлекет пен шіркеуді қатаң бөлуді көздейтін модель. Авторлар осы модельдерге салыстырмалы талдау жасайды, бұл теократияның тарихи алғашқы болғандығын және қазір Ватикан мен Сауд Арабиясында классикалық типке жақын формада сақталғанын көрсетеді. Германия мен Норвегия сияқты либералды мемлекеттерде
мемлекетке тән кейбір функцияларды шіркеулік қауымдастықтарға беруге болады. Үшінші модель посткеңестік кеңістікте, Қытайда орын алады. Бұл мемлекет пен шіркеудің қатаң бөлінуіне байланысты. Авторлардың негізгі тұжырымы - діннің мемлекеттегі әлеуметтік жағдайға елеулі әсер ету фактісін мойындау.