XV ғасырдың аяғында Алтын Орданың ыдырауы нәтижесінде Ресейдің Шығыс Еуропадағы ұлы держава ретінде қалыптасуы соңғы тарихтағы маңызды оқиғалардың бірі болып табылады. XVI ғасырда және одан кейінгі кезеңде Ресей Алтын Орда хандығын алмастырып қана қоймай, Еуропа тарихындағы ең ірі мемлекеттердің біріне айналды. Ресейдің Еуразияда таралуы тұрғысынан қазіргі жағдайы Ресейдің дала халықтарымен және дала әлемімен өзара әрекеттесуінің нәтижесі болып табылады. Бұл мақалада Алтын орданың  құрылу тарихы, оның Ресей  сияқты  халықтарға этникалық және саяси ықпалы, сондай-ақ оның Алтын Орда мемлекеттігіне және кейінгі орыс мемлкетінің қалыптасуына, дамуына әсері қарастырылады. Тарихи деректерге және заманауи зерттеулерге сүйене отырып, Көшпелі халықтардың орыс тарихының дамуына әсері туралы кейбір пікірлері, тарихи маңызы мен қайта жандандырудағы қиындықтары талданады. Мақалада тарихи дереккөздерді сыни көзқарас тұрғысынан бағалап, олардың тарихи реконструкциядағы рөлі туралы талқылаулар жүргізіледі. Еуразия даласындағы  Алтын Орданың  Ресей сияқты  басқа  мемлкеттердің тарих сахнасына  көтерілуіне  тарихи ықпалы ғылыми еңбектердегі көзқарастар  тұрғысынан  қарастырылады.