Мақалада білім беру және діни экстремизм ұғымдарының мәні мен маңыздылығын тәуелсіздік жылдарындағы Қазақстан негізінде қарстыра келе, діни көзқарастар, оның ішінде экстремизм көріністері тудыратын қатердің өсуіне байланысты мәселелер өзекті болып отырғандығы айтылады. Сонымен қатар, соңғы жылдары діни экстремизм проблемасы Орталық Азия аймағының барлық елдері, оның ішінде Қазақстан үшін ішкі саяси ахуалға елеулі түрде ықпал ете бастады, аймақтық қауіпсіздіктің маңызды факторына айналды. Білім қоғамның өсіп келе жатқан рухани деградациясы мен радикалдану процесін тоқтата алатын, адамға өзін шығармашылық тұрғыдан көрсетуге, гуманизм және жалпыадамзаттық құндылықтар қағидаттарын жүзеге асыруға мүмкіндік беретін маңызды факторлардың бірі бола алады.