Қазақ хандығының саяси тарихы мен этникалық тарихының арақатынасы мәселесі - өзекті мәселе болып табылады, өйткені қазақ халқын құрған тайпалардың тарихы мен урусидтер тарихы XV-XVI ғасырларда аз уақыт ортақ болған. Зерттеудің мақсаттары мен міндеттері. Бұл зерттеудің мақсаты мен міндеттері халықтың географиялық тарихы тұрғысынан қазақтар этногенезінің проблемалық мәселелерін қарау, қазақтардың этникалық және саяси тарихы арасындағы қайшылықтарды шешуге тырысу, сондай-ақ қазақ этносының қалыптасуына алып келген экономикалық-географиялық факторлар туралы жаңа гипотеза ұсыну болып табылады. Материалдар мен әдістер. Материалдар ретінде Фазлаллах ибн Рузбиханның "Михман-наме-йи Бұхара", әл-Балхидің "Маджма әл-гараиб" еңбектері, сондай-ақ Алаша хан туралы аңыздар пайдаланылды. Нәтижелер. Зерттеу нәтижесінде Сырдария маңы қалаларындағы тайпалардың қыстауының, қазақ халқының этногенезіндегі шешуші рөлі анықталды. Шығыс Дешті Қыпшақтың үш түрлі бөлігінде жайлаулардың болуы, өз кезегінде, осы тайпалар қауымдастығын жүздерге негіз болуда маңызды рөл атқарды. Қорытындылар. Урусидтердің Сырдария өңірінде билік орнатуы нәтижесінде "қазақ" политонимі бағынышты халықтың этнониміне айналды, осылайша саяси және этникалық тарихы бір бағытты қозғалысқа ие болды.