Мақалада қазақстандық «Бірінші арна Еуразия», «Ел Арна», «Хабар 24» және коммерциялық «КТК» арналарындағы телеконтентті трансляциялаудың апталық кесте-бағдарламасы қарастырылып, шолу жасалынды.
ХХІ ғасыр ақпарат әлеміне жойқын өзгерістермен келді. Медиаплатформалардың сан түрі пайда болып, ақпараттық қолжетімділік пен ақпараттық оперативтілік қарқынды дамыды. Азаматтық журналистика қалыптасып, медиакеңістік түрлі бояулармен толықты. Медиаәлемде қатаң бәсекелестік орнықты. Ақпараттық-технологиялық жеке құрылғылардың көмегімен түрлі қосымшалар арқылы аудио, видео және т.б. контент түрлерін әзірлеп тарату мен кері байланыс орнатудың ең жедел жолдары – күнделікті өмірдің негізгі қозғалысына айналды.
Осындай ақпарат тасқыны ғасырында қазақстандық телеарналар көрермендеріне не ұсынып отыр? Отандық телевизияның әлеуметтің рухани-мәдени, ақпараттық-танымдық жетілуіне қосып отырған үлесі қандай? Мақалада осы мәселелер зерттеліп, зерделенді