Бұл мақалада Қытайдың Орталық Азия елдері арасындағы қақтығыстарды жою үшін қауіпсіздік шараларын қолданудың жолдары сипатталады.

Біріншіден, Орталық Азия елдеріндегі геосаяси жағдайлар тұтастай қарастырылып, Орталық Азиядағы Терроризм мен радикалдану аса қауіпті проблема екендігі қарастырылады.

Екіншіден, трансұлттық қылмыстың түрлері туралы оның ішінде есірткі саудасы мен қару және адамдардың заңсыз айналымдары сипатталады.

Үшіншіден, этникалық және діни қарама-қайшылықтардың болуы қарастырылады. Осы қарама-қайшылықтардың болуының салдарынан аймақ елдерінде билікке байланысты қақтығыстар жиі көрініс алып тұрады.

Басты қарастырылатын мәселе: Қытайдың Орталық Азия елдері арасында әскери қақтығыстардың алдын алудағы іс-әрекеттері мен рөлі.

Зерттеудің негізгі мақсаты-Қытай мен Орталық Азия аймағындағы елдердің қауіпсіздік саласындағы, соның ішінде қауіп-қатерлер контекстіндегі ынтымақтастықтың перспективаларын, факторлары мен себеп-салдарларын, проблемаларын талдау және сипаттау болып табылады.

Бұл мақаланың ғылыми жаңалығы- халықаралық қатынастарды талдау мен бағалаудың жаңа тұжырымдамалық тәсілдерін әзірлеуге мүмкіндік беретін қауіпсіздік саласындағы мемлекеттер мен өңірлердің өзара іс-қимылы туралы ғылыми білімді кеңейтуден тұрады.

Зерттеудің ғылыми-практикалық маңыздылығы ол Қытай мен Орталық Азия елдерінің қауіпсіздік саласындағы өзара іс-қимылын қалыптастыру және дамыту бойынша практикалық ұсыныстарды әзірлеу үшін пайдаланылуы мүмкін.