XX ғ. 20-30 жылдары кеңес үкіметінің жүргізген репрессия саясаты халық жадында ең ауыр, әрі қайғылы кезеңнің бірі ретінде сақталды. Билік құрылымдары кез-келген отбасымен жеке адам өміріне белсене араласқандықтан әйелдер мен қыздар жазықсыздан-жазықсыз түрмелерде отырып, арнайы лагерьлерде «жазаларын» өтеді. Өйткені олар «Отанын сатқандардың отбасы мүшелері» деп аталған еді. Кеңес мемлекеті әйелдерді куғын-сүргінге ұшырату саясатын мақсатты түрде жүргізді. Жазықсыз жазаланып атылғандардың ішінде нәзік жанды қазақ аналары мен қыздары да болғаны баршамызға белгілі. Бірі «халық жауының жары», бірі – баласы немесе ұрпағы болғаны үшін айып тағылып қамауға алынды. Соның ішінде ең ауыр жаза ату жазасына кесілген қазақтың үш қызы – Шахзада Шонанова, Торғай Сүлейменова, Мәмилә Таңатова сынды аруларымыздың қайғылы тағдыры жайлы.