Мақала академик Сақтаған Бәйішовтың қоғамдық-саяси қызметі мен шығармашылық мұрасын тәуелсіз тарихи таным қағидаларымен қарастыруға арналған. Сақтаған Бәйішов өткен ғасырдың 30-60 жылдары еліміздің қоғамдық-саяси өміріне белсенді араласқан тұлға ретінде танылды. Оның Ұлы Отан соғысының қатысушысы ретінде және саяси қызмет атқарғандығы әскери тарихта жеткілікті тұлға деп танылғаны белгілі. Сол сияқты еліміздің идеология саласында түрлі биік лауазымды қызметтер атқарып, күрделі кезеңнің тарихи оқиғаларына терең із қалдырған тұлға саналады. Оның Ғылым академиясының вице-президенті қызметі де сол кезең үшін барынша жемісті болды. Қазақ ғылымында тарихшы-экономист ретінде шығармашылық қолтаңбасы қалған қайраткердің қоғамдық-саяси қызметі мен шығармашылық мұрасы уақыт тезінен өтіп, қазіргі тарихи таным ұстанымдарына сай қайта бағалауды қажет етеді. Мақалада осы мәселелер архивтік деректер мен ғалымның шығармалары және замандастарының естеліктері негізінде ғалыми талданып, сыни қорытындылар жасалады.
Мақаланың басты мақсаты академик аталған кезеңдегі қоғам және саяси қайраткер Сақтаған Бәйішевтің өмірбаяндық мәліметтері мен шығармашылығына ғылыми талдау жүргізу, сондай-ақ кеңестік идеологияға қызмет еткен қайраткердің қызметін жаңа теориялық тұжырымдармен бағалау болып табылады.