Австро-Венгрия азаматтарының Ресей империясы аумағында пайда болуы 1880-1890 жылдардағы капиталистік қатынастардың дамуымен тығыз байланысты. Австро-венгриялық қоныс аударушылар революцияға дейінгі Ресейдің және оның жекелеген өңірлерінің әлеуметтік-экономикалық және мәдени дамуына елеулі үлес қосты.
Мақалада Австро-Венгрия азаматтарының Батыс Сібір қалаларында болу себептері, сондай-ақ, олардың осы аймақтың қоғамдық-экономикалық ахуалына ықпалы қарастырылады. Австро-венгриялық қоныс аударушылар, басқа еуропалық елдерден Ресейге келушілер секілді жаңа кәсіпкерлік тәжірибе, озық технология, батыс мәдениетінің өзіне тән тасымалдаушылары ретінде аймақ өмірінде орнын айқындады. Австро-Венгр жерлерінен келген иммигранттардың ұрпақтары, Батыс Сібірдің көпұлтты құрамының бөлігіне айналды.