Тәуелсіз еліміз өркениетті әлемге танылып, елдігіміздің берік іргетасы қаланып, қасиетті де киелі құндылығымыз – Егемендік халқымыз үшін жаңа өрлеу жолын ашты. Қазақстан көп ұлтты, көп конфессиялы, зайырлы мемлекет. Қазақстан зайырлы мемлекет болғандықтан әркімнің діни наным-сенімі өз еркінде. Қазақстан – бейбітсүйгіш ел. Біздің елде діни алауыздыққа, ұлт араздыққа жол жоқ, өйткені еліміздің басты ұстанымы азаматтарымыздың бейбіт өмір сүруі.  Бейбітшілік – адамзаттың басты құндылығы. Дін ұлтқа бөлінбейді. Діни тұрақтылық та ең маңызды мәселелердің бірі. Әлемде орын алып отрыған кесір-кесапаттардың, ұрыс-жанжалжалдардың себебін белгілі діннен іздеу себепсіз. Кеңес өкіметі кезінде ұлтымыздың діни жағдайы қиын болды деп айтуға болады. Ол кезеңде қазақтың дінге қарсы саясаты мен дін туралы саясаты, олардың әрекеттері зерттелмеген болатын. Кейбір жарияланған еңбектерде кеңес өкіметі басшыларының конфессияларға қатысты ахуалы мен идеологиялық жағдайы, атеистік саясаты осы уақытқа дейін ашық жарияланбаған.

Мақалада кеңестік кезеңдегі діни ахуал, дінге қатысты саясат, ишан-молдалардың құрбандыққа ұшырауы қарастырылады. Сонымен қатар «тарих» білім беру бағдарламасының білім алушыларына кеңестік кезеңдегі ишан-молдалардың құғынға ұшырауын оқыту әдістемесі мен принциптері айқындалды.