Аталған мақалада соғысаралық кезеңде, соның ішінде Бірінші дүниежүзілік соғыстан кейін Үндістан азаматтық қызметіне (ҮАҚ) жалдау проблемасы талқыланады. Британдық Үндістанның Британдық Империяны өркендетудің бірінші дәрежелі маңызы болды, және де осы өңірді басқару империялық беделді сақтау үшін шешуші мағынаға ие болды. Осы мақсат үшін Үндістандағы британдық басқарманың әкімшілік-бюрократиялық ұйымы болатын Үндістан Азаматтық Қызметі құрылды, ал округтық офицер британдық-үнді әкімшілік құрылымдағы бас әрекет етуші тұлға болды. Мақаланың негізгі мақсаты — Бірінші дүниежүзілік соғыстан кейін ҮАҚ-ға жалдау проблемасы жөніндегі пікірталасқа өз үлесін қосу. Аталған еңбекте қызмет офицерлерінің шыққан тегі, кадрларды іріктеу процесінің қалай өткені және жалдау жүйесінің қалайша дамығаны зерттеледі. Сондай-ақ еңбекте Британдық Үндістанды басқару кезінде британдық ресми тұлғалар тап болған проблемалар талқыланады. Бірінші дүниежүзілік соғыстан кейін жалдау проблемасының Үндістан Азаматтық Қызметінің үндістандану процесіне әкеп соқтырғаны қаралады. Сонымен қатар Үндістандағы азаматтық қызметке кандидаттарға арналған білім беру бағдарламасы және емтихан талқыланады. Жалпы алғанда, мақала соғысаралық кезеңде Үндістан Азаматтық Қызметінің қызметкерлерін оқыту және жалдау процесі туралы түсінік береді.