Мақалада Қазақстандағы қоғамдық-саяси бірлестіктердің (партиялардың) қалыптасу тарихы бойынша негізгі мұрағаттық дереккөздерге шолу жасалған. Авторлар отандық мұрағат қорларында жұмыс жүргізіп, жаңа құжаттарды анықтады. Қоғамдық-саяси бірлестіктердің қалыптасу тарихы, қазіргі заманғы тарихта көппартиялылықтың қалыптасуы мәселелері отандық және шетелдік тарихнамада даму үстінде. Тәуелсіздік жылдарында белгілі саясаттанушылардың жалпылама еңбектері жарияланды, онда партиялық құрылысқа және жекелеген партиялардың тарихына қатысты нақты мәселелер зерттеледі. Авторлар мақалада саяси партиялар туралы мұрағат істері мен құжаттардың толық бейнесін беруге тырысты. Зерттеу көрсеткендей, партиялар мен бірлестіктер тарихы бойынша мұрағаттық дереккөздердің негізгі көлемі Қазақстан Республикасы Президент архивінде және Қазақстан Республикасы Ұлттық мұрағатында сақтаулы. Сонымен қатар, басқа да мұрағаттарда жұмыстар жүргізілді. Жалпы, ашылған мұрағат материалдары көппартиялық жүйенің қалыптасуы мен дамуының қалай өткенін, қоғамдық бірлестіктердің құрылуы мен қызмет ету тетігі қандай болғанын көрсетеді. Мұрағаттарда партиялық құжаттардың, жекелеген партиялардың материалдарының едәуір саны сақталады. Зерттеліп отырған мұрағат материалдарының, әсіресе Қазақстан Республикасы Президент архивы мен Қазақстан Республикасы Ұлттық архивының материалдарының Тәуелсіздік кезеңіндегі Қазақстандағы саяси институттар тарихын зерттеуде әлеуеті зор.