Мақалада Қазақстандағы сауда-өнеркәсіптік буржуазияның кәсіпкерлік және қайырымдылық қызметі қарастырылады, теміржол магистралін құру және электр энергиясын дамыту процесіне ерекше назар аударылады.

Авторлар XIX ғасырдың екінші жартысында көпестер қазақ қоғамының дамуында үлкен рөл атқарды деп пайымдайды. Заманында  көпестер сауда инфрақұрылымының негізін қалаушылар болды, олар сауда үйлерін, баспаханаларды, шарап және сыра қайнату зауыттарын, бу және ұн диірмендерін ашты, сонымен қатар теміржол құрылысын ілгерілету, кеме қатынасын дамыту, алтын өнеркәсібі және т.б. дамуына үлес қосты. Сонымен қатар, электр, су құбыры, телефон жүйесі сияқты өркениеттің жемістері де көпестердің сауда қызметінің арқасында қазақ қоғамы үшін қол жетімді болды. Көпестердің қызметі қазақ даласындағы ағартушылық қызметтің ілгерілеуіне де ықпал етті, көпестер халықтық училищелер, мектептер, емдеу мекемелері, кітапханалар және т.б. салу мен күтіп-ұстауда көп қаржы жұмсап меценаттық қызметтер атқарды.