Мақалада жалпы фольклордың, оның ішінде түркі фольклорының сакральді және демонологиялық сипаты айдаһар және жылан бейнелерін талдау арқылы жан-жақты қарастырылады. Авторлар түркілік өркениет танымында бұл образдардың киелі, рухты бейнеде көрініс табатыны жайлы деректер келтіреді. Шетелдік және отандық фольклортанушы ғалымдардың зерттеулері негізінде түркі халықтарының фольклорлық сюжеттері мен мәтіндері талданады, оларға өзара салыстырулар жасалынады.
Әдіснамалық талдаулар нәтижесінде жалпы фольклордағы кейіпкерлер жүйесінің сакральді, демонологиялық қыр-сырын, функциялық ерекшеліктері туралы нақты тұжырымдар беріледі.
Мақалада авторлар әлемдік фольклортанудың әдіснамаларына сүйене отырып, түркі фольклорының мифологиялық сипатын жалпы гуманитарлық ғылымдар аясында қарастыру мәселесі көтеріледі