Бұл мақалада 1928-1938 жылдардағы бай-кулактарды тәркілеу науқанындағы Оңтүстік өңірінің Қазығұрт ауданынан қуғын-сүргінге ұшыраған азаматтардың талайлы тағдыры архив құжаттары негізінде біршама зерттеп-зерделенеді. Сонымен қатар мұрағат материалдарына сүйеніліп таразыланады. Сондай-ақ аталған аудандағы тәркіленген байлар тізімі арқылы архив материалдарын тиімді пайдаланып, алынған  тақырыпты барынша ашып көрсетілген.

Сонымен қатар 1937-1938 жылдары Қазығұрт ауданындағы репрессияланған бірқатар дін өкілдерінің қасіретті тағдырын да таразылап, оларға қарсы қозғалған жасанды қылмыстық істің жай-жапсарын танып білуге талпыныс жасалынған.

Одан бөлек, 1937-1938 жылдарда саяси репрессияға ұшыраған, Қазығұрт ауданынан шыққан белгілі тұлғаларына қатысты сот және тергеу ісі құжаттарын қуғын-сүргін саясатын зерттеуде маңызды дерек көзі ретінде кәдеге асыруға талпыныс жасалынған. Мәселен, М. Нарботаев секілді қарапайым тұрғындардың да  жазықсыз жазаға ұшырап, үстінен қозғалған тергеу хаттамалары мен үкімдеріне толыққанды талдау жасалынады. Былайша айтқанда, сол зобалаң заманда жазықсыз сотты болған азаматтардың тергеу ісі тереңірек талданып, саяси репрессияның мақсат-межесі айқындалып көрсетіледі. Осы мақсатта Кеңестік Қазақстандағы саяси репрессия кезінде жазықсыз қуғындалған аталмыш азаматқа қатысты қылмыстық іс Шымкент қаласы Полиция департаментінің арнайы мемлекеттік архивінің құжаттары, тергеу материалдары негізінде мейлінше елеп-екшеледі.